بمناسبة الدخول الاجتماعي لسنة 2024/2025 شعارنا فهاذ المرحلة: الإعلاميون فمواجهة التحديات: وحدة، تضامن، و تحقيق الحقوق
الأنوال نيوز
بمناسبة اليوم العالمي للأخبار، اللي كيحتفل بيه فـ 28 شتنبر من كل عام،كنأكدوا بقوة على أهمية حرية الصحافة وحقوق الإعلاميين فالعالم كامل. هاذ اليوم ماخصوش يبقى غير احتفال، بل فرصة باش نفضحو التحديات الكبيرة اللي كيعاني منها الإعلاميين، و نسلطو الضوء على الانتهاكات المستمرة لحقوقهم وحرياتهم اللي هي جزء لا يتجزأ من الديمقراطية وحقوق الإنسان.
حنا فالمكتب الوطني للمنظمة الديمقراطية بالشركة الوطنية للإذاعة والتلفزة ODT)، النقابة الأكثر تمثيلية، كنعبروا على غضبنا واستنكارنا للوضع الخطيراللي وصلات ليه الأوضاع المهنية فالمؤسسة. الحوار القطاعي الفعال ماشي ترف أو اختيار، بل ضرورة قصوى باش نحققو السلم الاجتماعي و نضمنو استقرار الشركة الوطنية للإذاعة والتلفزة . تجاهل الإدارة للحوار وحقوق العاملين ما غادي يزيد غير الاحتقان و التوتر.
و فهاد السياق، كنعلنو على:
كنطالبو بتفعيل منشوررئيس الحكومة اللي كيتعلق بالزيادات اللي تقررات للعاملين فالمؤسسات العمومية. ما عندناش مجال باش نزيدو نأجلو هاذ الإجراء الضروري لتحسين لأوضاع المادية للعاملين، وخاصو يتطبق فوراً. كذلك، كنطالبو بزيادة فورية فالأجور ديال مستخدمي الشركة الوطنية للإذاعة والتلفزة. ما يمكنش نقبلو أن جميع القطاعات استفدات من تحسينات وزيادات فالأجور، وحنا القطاع الوحيد اللي باقي ما استفدش من والو. هاذ التمييزغير مقبول وخاصو يتصحح بسرعة وبدون تردد.
قلقنا العميق من تماطل الإدارة وتأخرها فتنفيذ الوعود ديالها، و كنطالبو بالتسريع فتنزيل قرارات المجلس الإداري بخصوص الملفات اللي باقا ما تحلاًتش ، خصوصاً اللي كتعني مؤسسة الأعمال الاجتماعية، مركز التكوين، والتقاعد التكميلي. الإدارة خاصها تتحمل المسؤولية ديالها وتحل هاذ القضايا بشكل فوري ودون تأجيل، وإلا ما غاديش نبقاو مكتوفي الأيدي قدام هاذ التجاهل الواضح لحقوق العاملين.
كنرفضو بشدة تراجع الإدارة فصرف منحة العمل الليلي والعطل والأعياد. هاذ الشي غير مقبول وما كايديرغير ضرر بمصلحة العاملين. حنا كنقابة، ما يمكنش نقبلو هاذ التراجعات الخطيرة اللي كتمس حقوق العاملين وكتأثر على الاستقرار ديالهم فالخدمة.
كنطالبو الادارة باش تفتح تحقيق على صحة الديبلومات و الشواهد خصوصا اثناء الترشح لمناصب المسؤولية و كنرفضو بشدة أي محاباة أو تلاعب فهاد التعيينات و بغينا مبدأ الكفاءة والشفافية هو لي خاصو يسود فكل القرارات اللي كتعني الترقيات والمناصب العليا.
كنأكدو على ضرورة فتح قنوات الحوار باش ناقشوا مشاكل جميع الفئات اللي خدامة فالمؤسسة. حالة الاحتقان اللي كاينة ما جاتش اليوم، ولكن هي نتيجة لسنوات من الإقصاء والتجاهل. ما يمكنش نستمرو فهاذ التجاهل لحقوقهم الأساسية، وإلا الوضع غادي يولي أسوأ.
كنرفضو بشكل كامل التضييق على الحريات النقابية، و كنددو بشدة بقرار طرد الكاتب الوطني للمنظمة الديمقراطية، أمين الحميدي، ومندوب الأجراء، هاذ القرارلي كيتعدى كل القوانين الوطنية والدولية و دستور المملكة. هاذ القرار الجائر خاصو يتلغى فوراً.
وفي الختام، كنعلنو على ان المكتب التنفيذي غادي ينظم وقفة احتجاجية كبيرة قدام مقر الشركة الوطنية للإذاعة والتلفزة، باش نددو بهاذ التراجعات الخطيرة فالأوضاع المهنية والطرد التعسفي للكاتب الوطني ديال المنظمة الديمقراطية. ما غاديش نبقاو ساكتين قدام المزيد من التجاهل والمماطلة، و كنطلبو من جميع العاملين يكونو مستعدين لكل الأشكال النضالية المشروعة باش يرجعو حقوقهم و تحقق مطالبهم. تاريخ الوقفة غادي يتم الإعلان عليه فبلاغ آخر.
عاشت المنظمة الديمقراطية للشغل، حصن قوي فدفاعها على حقوق العمال وداعمة لهم فمواجهة التحديات.
_3.jpg)
ندوة دولية بتمارة حول موضوع: اليسار العالمي والمحلي وآفاق إعادة البناء _5.jpg)
فنانون عالميون وعرب يحيون ليالي مهرجان “موازين- إيقاعات العالم” 2025 _6.jpg)
المبادرة الأطلسية الملكية،فرص التنمية والمخاطر الأمنية، موضوع ندوة علمية بسلا _6.jpg)
رئيس ودادية سطات السكنية يوجه اشعار الي المشاركين والمستفيدين و المتضررين الشطر الثاني والثالث الهرهورة يوضح أسباب عرقلة تقسيم العقاري 
_4.jpg)
_4.jpg)
أوكي..